ئەیلول 20, 2019

به‌هۆی شه‌پۆڵێكی گه‌رما 19 كه‌س گیانیان له‌ده‌ستدا

به‌رپرسی ته‌ندروستی ویلایه‌تی مونتریۆل ڕایگه‌یاند: به‌هۆی ئه‌و شه‌پۆڵه‌ گه‌رمایه‌ی كه‌ له‌ ڕۆژهه‌ڵاتی شاری مونتریۆلی داوه‌ له‌ ڕۆژانی ئه‌م هه‌فته‌یه‌دا 19 كه‌سی كوشتووه‌.

مایلین دویین به‌ڕێوبه‌ری ته‌ندروستی گشتی له‌ ویلایه‌تی مونتریۆل ڕایگه‌یاند: 12 كه‌س له‌ قوربانییه‌كان له‌ ڕۆژهه‌ڵاتی ویلایه‌تی مونتریۆل بووه‌، هه‌روه‌ها ڕۆژنامه‌ی تریبون ڕایگه‌یاند: 5 له‌ قوربانییه‌كان له‌ 48 كاتژمێری رابردوو له‌ به‌شی ڕۆژهه‌ڵاتی كوبێك ڕوویداوه‌.
دوا نیوه‌ڕۆی دوێنی ڕادیۆی كه‌نه‌داش 2 حاڵه‌تی مردنی تۆماركراوی له‌ قه‌راغ شارێكی مونتریۆل ڕاگه‌یاند.
به‌ پێی بنكه‌ی كه‌شوهه‌وای ئه‌و ناوچه‌یه‌ پله‌ی گه‌رما بۆ 34 پله‌ی سه‌ددی به‌رزبووه‌ته‌وه‌ و هه‌روه‌ها پله‌ی شێ گه‌یشتووه‌ته‌ 40 پله‌ی سه‌ددی.
حكوومه‌تی كه‌نه‌دا هۆشداری داوه‌ به‌ خه‌ڵكی ئه‌و شوێن و ناوچه‌یه‌ كه‌ پله‌ی گه‌رمی به‌رزبووته‌وه‌، به‌ڵام كه‌شناسه‌كانیش ڕایانگه‌یاند: كه‌ له‌ كۆتایی هه‌فته‌ پله‌ی گه‌رمی به‌ره‌و دابه‌زین ده‌چێت.
جێی ئاماژه‌یه‌ هیچ حاڵه‌تێكی مردن له‌ ویلایه‌تی ئونتاریۆ كه‌ دراوسێی ویلایه‌تی مونتریۆله‌ ڕانه‌گه‌یه‌ندرابووهاوكات له‌ ساڵی 2010 له‌ ناوچه‌ی مونتریۆل شه‌پۆڵێكی گه‌رما 100 كه‌سی كوشت.
به‌ڕێوه‌به‌ری لقی مۆنتریالی ته‌ندروستی خه‌ڵك، دكتۆر مایلین درۆوین رایگه‌یاند: به‌ هۆی به‌رزبوونه‌وه‌ی پله‌كانی گه‌رما به‌ راده‌یه‌كی ئێجگار زۆر له‌ ٢٩ی حوزه‌یرانه‌وه‌ تاكو ئێستا له‌ هه‌رێمی كیبویك، ٥٤ كه‌س گیانیان له‌ده‌ستداوه‌.
درۆوین سه‌رنجی بۆ ئه‌وه‌ راكێشا كه‌ ته‌نها له‌ مۆنتریال، ٣٣ كه‌س گیانیان له‌ده‌ستداوه‌ و گیان له‌ده‌ستدانی ٢١ كه‌سه‌كه‌ی دیكه‌یش له‌ ده‌ورووبه‌ری شاره‌كان تۆمار كراوه‌.
ناوبراو ئاماژه‌ی به‌وه‌ دا كه‌ له‌سه‌دا ٦٠ی ئه‌و كه‌سانه‌ ئه‌و به‌ساڵاچووانه‌ بوون كه‌ به‌ ته‌نها ژیاون و له‌ ماڵه‌وه‌ فێنككه‌ره‌وه‌یان نه‌بووه‌.

© 2017 Hawler