ئەم پەڕەیە چاپ بکە

کۆشکی سپی وادەی کۆبوونەوەی بایدن و کازمی ئاشکرا کرد

کۆشکی سپی وادەی کۆبوونەوەکەی نێوان سەرۆکی ئەمەریکا و سەرۆک وەزیرانی عێراقی ئاشکراکرد و رایگەیاند "کۆبوونەوەکە جەختکردنەوەیە لە پەیوەندی ستراتیژی واشنتن و بەغدا".

لە راگەیەندراوێکی کۆشکی سپیدا هاتووە " 26ی ئەم مانگە، جۆو بایدن سەرۆکی ئەمەریکا، پێشوازی لە مستەفا کازمی سەرۆک وەزیرانی عێراق دەکات، بۆ جەختکردنەوە لەسەر پەیوەندی ستراتیجی نێوان واشنتن و بەغدا".

بەگوێرەی راگەیەندراوەکە، سەرۆکی ئەمەریکا، هیوادارە پەرە بە پەیوەندی زیاتر لەگەڵ عێراق لە سەرجەم بوارەکانی، سیاسی، ئابووری و ئەمنی، بە تایبەت لە رووبەڕووبونەوەی داعشدا بدرێت.