کانونی یەکەم 06, 2019

هەڵبژاردنی سەرۆكایەتی لە توركیا دەكەوێتە گەڕی دووەم

بەڕێوەبەری دەزگای راپرسی (ماك)، پێیوایە هەڵبژاردنی سەرۆكایەتی لە توركیا دەچێتە گەڕی دووەم و لە گەڕی یەكەمدا هیچ كاندیدێك ناتوانێت 50+1 بە دەست بهێنێت.

محەممەد عەلی كولات بەڕێوەبەری دەزگای راپرسی (ماك)، لە دیمانەیەكیدا بۆ رۆژنامەی (جومهوریەت)ـی توركی، ئاشكرای دەكات لە گەڕی یەكەمی هەڵبژاردنی سەرۆكایەتی، دەنگەكانی هەدەپە یەكلایی دەكاتەوە كە لە گەڕی دووەمدا كێ دەبێتە خاوەنی كورسی سەرۆكایەتی توركیا.
ئەو باس لە ئەگەری نەشكاندنی بەربەست دەكات لە لایەن هەدەپەوە و، ئاشكرای دەكات ئەگەر هەدەپە نەتوانێت بەربەست بشكێنێت، 60 كورسی هەدەپە بۆ ئاكپارتی دەڕوات، ئەمەش سەركەوتنێكی گەورە دەبێت بۆ ئاكپارتی.
كولات دەڵێت: "دەنگدەری جەهەپە نایەڵێت هەدەپە بكەوێتە دەرەوەی پەرلەمانەوە، بۆیە هەموو هەوڵێك دەدەن تا بتوانێت بەربەستی هەڵبژاردن بشكێنێت و تا دەنگەكانی هەدەپە بۆ ئاكپارتی نەچێت. جەهەپەش بۆیە پشتگیری لە هەدەپە دەكات تا وەكو پارت بچێتە پەرلەمانەوە، دەیەوێت لە گەڕی دووەمی هەڵبژاردنی سەرۆكایەتی، هەدەپە دەنگ بە كاندیدی جەهەپە بدات

 

كارزان گلی ـ هه‌ولێر
".

© 2017 Hawler