کانونی یەکەم 06, 2019

ئەمجارەیان لە باكوور كێبڕكێ لە نێوان هەدەپە و ئاكپارتیدا نابێت

سەلاحەدین دەمیرتاش كاندیدی هەدەپە بۆ هەڵبژاردنی سەرۆكایەتی توركیا، لە تازەترین دیمانەیەدا پێیوایە لە هەڵبژاردنی ئەمجارەی پەرلەمانیدا لە توركیا، ئاكپارتی لە باكوور نابێتە ركابەری هەدەپە و ئیدی كورد رووی راستەقینەی ئاكپارتی و رەجەب تەییب ئەردۆغانی بۆ دەركەوتوە.
سەلاحەدین دەمیرتاش لە دیمانەیەكیدا بۆ رۆژنامەی (دیوار)ـی توركی، لەبارەی ئەوەی ئەردۆغان گوتبووی ئەگەر میللەت پێمان بڵێت بڕۆن و ئێوەمان ناوێت ئەوكات دەڕۆن، چونكە بە دەنگی میللەت هاتوونەتە سەر دەسەڵات، دەمیرتاش دەڵێت: "ئەردۆغان ئەمجارەیان دەزانێت دەدۆڕێت و هەڵبژاردن ناباتەوە، بۆیە دەیەوێت رایگشتی توركیا بۆ خۆی رابكیشێت. ئەردۆغان و ئاكپارتی بەڕاستی ئەمجارەیان دەدۆڕێن".
باسی لەوەش كرد، ئەمجارەیان لە باكوور كێبڕكێ لە نێوان ئاكپارتی و هەدەپەدا نابێت، بەڵكو ئاكپارتی لە باكوور دووچاری شكستێكی زۆر گەورە دەبێتەوە، چونكە كوردەكان رووی راستەقینەی ئاكپارتی و ئەردۆغانیان بۆ دەركەوت.

 

كارزان گلی ـ هه‌ولێر

© 2017 Hawler