تشرینی یەکەم 03, 2022

زۆرترین بینراو

Error: No articles to display

بایدن و ئەردۆغان 14ـی حوزەیران کۆدەبنەوە

کۆشکی سپی رایگەیاند، جۆ بایدن، سەرۆکی ئەمریکا نێوەڕاستی ئەم مانگە لەگەڵ رەجەب تەیب ئەردۆغان، سەرۆککۆماری تورکیا لە برۆکسل کۆدەبێتەوە. 
 
لە 10ی حوزەیراندا بۆ یەکەمجار دوای بوون بە سەرۆک، بایدن گەشتێکی نێودەوڵەتی بەرەو ئەوروپا ئەنجامدەدات و بەشداری لە هەر سێ لووتکەی جی 7، ناتۆ و یەکێتیی ئەوروپادا دەکات.  
 
لە کۆتایی گەشتەکەیدا و رۆژی 16ی حوزەیران، بایدن لەگەڵ ڤیلادیمیر پووتین، سەرۆکی رووسیا کۆدەبێتەوە. 
 
پێش ئەوەش، بە گوێرەی کۆشکی سپی، سەرۆکی ئەمریکا 14ی حوزەیران لە پەراوێزی لووتکەی ناتۆ لە برۆکسل لەگەڵ رەجەب تەیب ئەردۆغان کۆدەبێتەوە. 
 
جین ساکی، گوتەبێژی کۆشکی سپی لە راگەیێنراوێکدا دەڵێت، بایدن و ئەردۆغان "هەموو پرسە دوو قۆلی و هەرێمییەکان" تاوتوێ دەکەن. 
 
ئەمە لە کاتێکدایە، مانگی نیسان، ئیدارەی بایدن بەفەرمیی دانی بە جینۆسایدی ئەرمەنەکان لەسەر دەستی عوسمانیەکان دانا، کە ئەوەش گوتاری تووندی تورکیای دژی ئەمریکا لێکەوتەوە. 
 
تورکیا پێشتر گوتبووی، دەیەوێت پەیوەندیی خۆی لەگەڵ ئیدارەی بایدندا بەهێز بکات و هەوڵدەدات ئەمریکا رازی بکات کە هاوکارییەکانی بۆ هەسەدە بووەستێنێت.
© 2017 Hawler