کانونی یەکەم 14, 2019

ئەردۆغان 600 : كاندیدی ئاكپارتی بۆ هەڵبژاردنی پەرلەمان دیاری دەكات

رەجەی تەییب ئەردۆغان، هەموو ئەو كاندیدانەی كە لە لایەن ئاكپارتییەوە دادەنرێن بۆ هەڵبژاردنی پەرلەمانی توركیا، لە لایەن خۆیەوە دیاری دەكات. ئەردۆغان رەزامەندی لەسەر هەر كاندیدێك نەبێت كە ئاكپارتی داینابێت لای دەبات و كەسی تر لە شوێنی دادەنێت.

ماڵپەڕی (سۆڵ)ـی توركی، لە هەواڵێكدا ئاشكرای دەكات كە ئەردۆغان گوتویەتی پێویستە هەر كەسێك كە دەكرێتە كاندیدی ئاكپارتی بۆ هەڵبژاردنی پەرلەمانی دەبێت لە لایەن ئەوەوە پەسند بكرێت.
باسی لەوەش كردوە، ئەردۆغان گوتویەتی هەر كەسێك ببێتە كاندیدی ئاكپارتی، پێویستە لێكۆڵینەوەی جیدی لەسەر بكرێت تا بزانرێت سەر بە فەتحوڵڵا گولەن بوە یان نا؟
هەروەها ئەردۆغان بە هیچ شێوەیەك نایەوێت ئەو كەسانە بكاتە كاندیدی ئاكپارتی كە پێشتر سەر بە ئەحمەد داودئۆغلو سەرۆك وەزیرانی پێشووی توركیا بوونە.
ماڵپەڕی ناوبراو، ئاشكرای دەكات 600 كاندیدی ئاكپارتی پێویستە لە لایەن ئەردۆغانەوە پەسند بكرێت و هەر كاندیدێكیشی بە دڵ نەبێت لای دەبات و كەسێكی نزیك لە خۆی لە شوێنی دادەنێت.

© 2017 Hawler