تشرینی دووەم 27, 2020

گازە سروشتییەكەی توركیا لە دەریای رەش بۆ ٤٠٥ ملیار مەترسێجا بەرزبووەوە

رەجەب تەییب ئەردۆغان سەرۆك كۆماری توركیا، لە كاتی سەردانیكردنی بۆ لای كەشتی فاتیح كە تایبەتە بە دۆزینەوە و گەڕان بە دوای گازی سروشتی لە دەریای رەش، موژدەی دایە گەلی توركیا كە ئەو گازە سروشتییەی دۆزیویانەتەوە، رێژەكەی بەرز بووەتەوە بۆ ٤٠٥ ملیار مەترسێجا.

 

ئەردۆغان لەگەڵ فوئاد ئۆكتای جێگرەكەی و بەرات ئالبەیراك وەزیری دارایی و ئابووری توركیا، كۆبوونەوەی لەگەڵ ستافی كەشتی فاتیح كرد و لە نزیكەوە زانیاری لەبارەی چۆنییەتی گەڕان بە دوای گازی سروشتی لە دەریای رەشدا وەرگرت.

پاشان ئەردۆغان وتارێكی پێشكەش كرد، ئاماژەی دا لە مەیدانی ساكاریا كە دەكەوێتە سەر دەریای رەش و سنووری توركیا، بە شێوەیەكی گشتی ٤٠٥ ملیار مەترسێجا گازی سروشتی دۆزراوەتەوە، ئامانجیشمانە تا ٢٠٢٣ بتوانین ئەو گازە پێشكەش بە گەلەكەمان بكەین“.

 

 

© 2017 Hawler