ئەیلول 25, 2020

لە خۆپیشاندانەكانی بیلاڕووسیا ٤٠٠ كەس دەستگیر كراون

لە بیلاڕووسیا گەورەترین خۆپیشاندان لە مێژووی ئەو وڵاتە سەری هەڵداوە، خۆپیشاندەران داوا دەكەن لوكاشێنكۆ سەرۆك كۆماری ئەو وڵاتە واز لە كورسی دەسەڵات بهێنێت. بەڵام پۆلیس بە توندی دژی خۆپیشاندەران دەوەستێتەوە و لە ماوەی ٢٤ سەعاتی رابردووشدا ٤٠٠ خۆپیشاندەر لە پایتەختی ئەو وڵاتە دەستگیر كراون.

بە گوێرەی زانیارییەكانی ئاژانسی (رۆیتەرز)، خۆپیشاندانەكانی بیلاڕووسیا كە ماوەی یەك مانگە بەردەوامە، ١٠٠هەزار كەس بەشدای تێدا دەكات، ئەمەش بۆ یەكەمجارە لە مێژووی ئەو وڵاتە كە بەو رێژە زۆرە خەڵك بڕژێنە سەر شەقام.
رێکەوتی ٩/٨/٢٠٢٠ بیلاڕووسیا چووە ناو هەڵبژاردنی سەرۆكایەتی، لوكاشێنكۆ توانیی سەركەوتن بەدەست بهێنێت و ببێتە سەرۆككۆمار، بەڵام گەلی بیلاڕووسیا هاتنە سەر شەقام و گوتیان ساختەكاری لە هەڵبژاردندا كراوە و ئەنجامەكەی رەتدەكەنەوە.
ڤلادمیر پۆتین سەرۆكی رووسیا، بە فەرمی دەستوەردانی لە كارووباری ناوەخۆیی بیلاڕووسیا كرد و، پشتگیری خۆی بۆ لوكاشێنكۆ دەربڕی و هێزی تایبەتیشی نارد بۆ ئەوەی بتوانن كۆنتڕۆڵی بارودۆخەكە بكەن ئەگەر لە دەست دەرچوو. ئەم دەستوەردانەی رووسیا خۆپیشاندەرانی زیاتر توڕە كردووە و دەڵێن تازە هەر دەبێت لوكاشێنكۆ كورسی دەسەڵات بەجێبهێڵێت.
ئاژانسی (BBC) بەشی توركی بڵاوی كردووەتەوە، خۆپیشاندەران ویستوویانە لە پایتەخت بەرەو كۆشكی كۆماری بەڕێبكەون و ئەوێ كۆنتڕۆڵ بكەن، بەڵام پۆلیس رێی پێ گرتوون و نەیهێشتووە كۆشكی كۆماری بكەوێتە دەست خۆپیشاندەران.
وەزارەتی ناوەخۆی توركیا لە راگەیاندراوێكدا ئاماژەی داوە، لە درۆزدی پایتەختی بیلا رووسا ٤٠٠ خۆپیشاندەریان دەستگیر كردووە، چونكە ویستویانە ئاژاوە بنێنەوە و بانك بشكێنن و پارەكەی ببەن.
لە ساڵی ١٩٩٤ ەوە لوكاشێنكۆ لەسەر دەسەڵاتە، بۆیە وڵاتانی ئەورووپا پێی دەڵێن دواهەمین دكتاتۆری ئەورووپا و هەموو هەوڵێك دەدەن لە دەسەڵاتی بخەن، بەڵام لە هەڵبژاردنی مانگی ٨ی ئەمساڵدا لوكاشێنكۆ ٨٠٪ی دەنگەكانی بە دەستهێنا. لە بەرامبەردا ئۆپۆزسیۆنی بیلاڕووسیا رایدەگەیەنێت ئەوان هەڵبژاردنیان بردووەتەوە و لوكاشێنكۆ ساختەكالای كردووە، بۆیە پێویست دەكات كورسی سەرۆك كۆماری رادەستی سڤیتلانە بكرێت كە كاندیدی ئۆپۆزسیۆن بوو بۆ هەڵبژاردنی سەرۆكایەتی.
لوكاشێنكۆ رەتیدەكاتەوە ساختەكاری لە هەڵبژاردندا كردبێت و، دەڵێت خۆپیشاندان دژی ئەو دەستی دەرەكەی لە پشتە.
رۆژنامەكانی بیلاڕووسیا دژی دەستێوەردانی رووسیا هاتوونەتە دەنگ و، دەڵێت ئەم وڵاتە بۆ فرۆشتن نییە، پۆتین دەیەوێت بیلاڕووسیا قووت بدات.
یەكێك لە خۆپیشاندەرانیش قسەی بۆ (AFP) كردووە و، دەڵێت: ”پوتین بە شێوەیەك مامەڵە لەگەڵ بیلا رووسا دەكات، وەك بڵێی ئەم وڵاتە ناوچەیەكی سەر بە رووسیایە“
هەموو بۆچوونەكان كۆكن لەسەر ئەوەی، ئەگەر پاڵپشتی رووسیا نەبوایە بۆ لوكاشێنكۆ، ئێستا ئۆپۆزسیۆنی توركیا لە رێگەی خۆپشاندانەوە دەسەڵاتی گرتبووە دەست.

© 2017 Hawler