ئایار 30, 2020

قه‌ده‌غه‌ی هاتوچۆ له‌ سووریا راگه‌یه‌ندرا

ئه‌مڕۆ هێزه‌ ئه‌منییه‌كانی سووریا له‌ ناو شار و كه‌رته‌ بازرگانییه‌كان بڵاوبوونه‌وه‌ و داوایان له‌ هاووڵاتیان كرد، بگه‌ڕێنه‌وه‌ ماڵه‌كانیان و دوكان و فرۆشگه‌كانیان دابخه‌ن.

هه‌روه‌ها شوێنه‌ گشتییه‌كان و باخچه‌ و گۆڕه‌پانه‌كان به‌ ته‌واوی داخران و هاووڵاتیان ناچار كران بگه‌ڕێنه‌وه‌ ماڵه‌كانیان.

له‌ زۆربه‌ی شار و شارۆچكه‌كانی سووریا بڕیاری قه‌ده‌غه‌ی هاتوچۆ كاری پێ ده‌كرێت و له‌ سه‌روویانه‌وه‌، دیمه‌شق و حه‌له‌ب و حه‌مما به‌ وردی چاودێری جێبه‌جێكردنی بڕیاره‌كه‌ ده‌كرێت.

بۆ مووچه‌ وه‌رگرتنیش حكومه‌ت فه‌رمانبه‌رانی دڵنیا كردووه‌ته‌وه‌، كه‌ بانكه‌كان له‌ كاتژمێر 8ی به‌یانی تا 12 ی شه‌و به‌رده‌وام ده‌بن له‌ كاركردن بۆ دابه‌شكردنی مووچه‌ و پێویست ناكات قه‌ره‌باڵغی له‌ بانكه‌كان درووست بكرێت.

حكومه‌تی سووریا ره‌تیده‌كاته‌وه‌ تا ئێستا هیچ حاڵه‌تێكی تووشبوو به‌ كۆرۆنا له‌ وڵاته‌كه‌ی تۆمار كرابێت و ئه‌و رێكارانه‌ به‌ مه‌به‌ستی خۆپارێزی ده‌گرێته‌ به‌ر. 

 

 

© 2017 Hawler