ئاب 03, 2020

گۆڕێکی بەکۆمەڵ لە نزیکی دیمەشق دۆزرایەوە

ڕاگەیاندنەکانی حکومی سووریا لە زمان بەرپرسانی سوپای ئەو وڵاتەوە باس لە دۆزینەوەی گۆڕێکی بەکۆمەڵ دەکەن لە غوتەی رۆژهەڵاتی لە نزیک دیمەشقی پایتەخت کە پێشتر ئەو ناوچەیە لە ژێر کۆنتڕۆڵی نەیارانی بەشار ئەسەد دابووە .

 

وەک لە هەواڵەکەدا هاتووە 70 تەرم لەو گۆڕە بە کۆمەڵەدا بوونیان هەیە و پێک هاتوون لە خەڵکی سڤیل و چەکدار کە لە لایەن چەکدارانی نەیاری بەشارەوە کوژراون .

 

غوتەی رۆژهەڵاتی لە نزیکی پایتەختی سووریایە، نزیک بە شەش ساڵ لە ژێر کۆنتڕۆڵی دژبەری دەسەڵاتی فەرمی سووریا دابووە . سوپای سووریا لە مانگی ئاوریلی ساڵی 2018 لە دووای هیرشێکی بەرفراوان و کوژرانی 1700 کەس توانیان ئەو ناوچەیە کۆنتڕۆڵ بکەنەوە .

© 2017 Hawler