ئاب 11, 2020

چەند په‌رله‌مانتارێكی ئەكەپە به‌نیازن ده‌ست له‌ پارته‌كه‌یان بكشێننه‌وه‌

بە گوێرەی ئەو زانیارییانەی بڵاوكراونەتەوە، چەند ئەندام پەرلەمانێكی سەر بە ئەكەپە خۆیان ئامادە دەكەن تا دەست لە ئەكەپە بكێشنەوە و بچنە ناو پارتە تازەكەی ئەحمەد داودئۆغلو بە ناوی پارتی (ئاییندە).

پێشتر رۆژنامەی (قەرار)_ی توركی بڵای كردبوەوە، كە داودئۆغلو ١٥ بۆ ٢٠ ئەندام پەرلەمانی لەگەڵدایە و، هەركە پارتەكەی راگەیاند، ئیدی ئەو ئەندام پەرلەمانانە دەست لە ئەكەپە دەكێشنەوە و دەچنە ناو پارتەكەی داودئۆغلو، بەڵام ماوەی ٣ رۆژ دەبێت داودئۆغلو پارتەكەی راگەیاندوە، بەڵام هیچ ئەندام پەرلەمانێك دەستیان لەكار نەكێشاوەتەوە.
چەند میدیایەكی سەر بە ئۆپۆزسیۆن و بێلایەن لە توركیا، پێیان وایە بۆیە تاوەكو ئێستا هیچ ئەندام پەرلەمانێك دەستی لە ئەكەپە نەكێشاوەتەوە، چونكە چاوەڕێن داودئۆغلو ئەو داوایەیان لێ بكات، دیارە داودئۆغلوش بە دوای كاتدا دەگەڕێت بۆ ئەو پرسە.
ماڵپەڕی (سۆڵ)_ی توركی بڵاوی كردوەتەوە، داودئۆغلو چاوەڕێی عەلی باباجان دەكات تا پارتەكەی رابگەیەنێت و ئەندام پەرلەمانەكان ئەوكات دەست لە ئەكەپە دەكێشنەوە لەناو پەرلەماندا.
بەڵام عەبدولقادر سەلفی رۆژنامەنووسی زۆر نزیكی رەجەب تەییب ئەردۆغان، لە وتارێكدا كە لە ١٦ی١٢ی٢٠١٩ لە رۆژنامەی (حوریەت) بڵاوی كردوەتەوە، كە هیچ ئەندام پەرلەمانێكی ئەكەپە ناچنە ناو پارتەكەی داودئۆغلو و ئەوەی دەوترا هەمووی دەنگۆ بوو و شتێكی لەو شێوەیە بوونی نییە.

 

كارزان گلی ـ هه‌ولێر

© 2017 Hawler