حوزەیران 23, 2018

هەدەپە:لە ماوەی 3 ساڵدا 11 هەزار و 631 ئەنداممان دەست بەسەر كراون

سەنتەری ناوەندی زانیارییەكانی هەدەپە، لە راگەیاندراوێكدا ئاشكرای كردوە، لە ماوەی 3 ساڵدا و لە 2015 تاوەكو مانگی شوباتی 2018، لە تەواوی توركیدا 11 هەزار و 631 ئەندامیان لە لایەن پۆلیس و دەزگا ئەمنییەكانەوە دەست بەسەر كراون.
بە گوێرەی ئەو راگەیاندراوە بێت كە سەنتەری ناوەندی زانیارییەكانی هەدەپە بڵاوی كردوەتەوە، لەو رێژەیەدا 3 هەزار و 382 ئەندامیان زیندانی كراون و تۆمەتی تیرۆرستیان دراوەتەو پاڵ.
بە گوێرەی داواكاری گشتی كۆماری توركیا بێت، پارتی دیموكراتی گەلان هەدەپە، خاوەنی 37 هەزار و 551 ئەندامە، بۆیە ئەگەر بە گوێرەی ئەو رێژەیە بێت، لە هەر 3 ئەندامێكی هەدەپە، یەك ئەندامیان دەست بە سەر كراوە.
جگە لەوەیش هەردوو هاوسەرۆكی پێشووی هەدەپە (سەلاحەدین دەمیرتاش، فیگەن یوكسەكداغ) دەستگیر كراون و 9 ئەندام پەرلەمانی تریشیان بە هەمان شێوە لە زیندانن و 9 ئەندام پەرلەمانی هەدەپەش، ئەندام پەرلەمانییان لێ سەندراوەتەوە

 

كارزان گلی ـ هه‌ولێر
.

© 2017 Hawler

Please publish modules in offcanvas position.