ئازار 29, 2020

لەنێوان 100 زانكۆی باشترینەكانی جیهان یەك زانكۆی عەرەبی تێدا نادۆزرێتەوە

زۆرێك لە ماڵپەرە جیهانیەكان بەبایەخەوە هەواڵی زانستی زانكۆی هارڤاردیان بڵاوكردەوە، تێدا جەخت لەسەر ئەوە كراوەتەوە، كە لەنێوان 100 زانكۆی باشترینەكانی جیهان یەك زانكۆی عەرەبی تێدا نادۆزرێتەوە، كەچی پەیمانگایەكی ئیسرائیلی بۆ تەكنۆلۆژیا لەریزی 85 مینی زانكۆكان دێن.

بەگوێرەی ریزبەندی ئەكایمی زانكۆكانی جیهان، كە دامەزراوەی شانگەهای ئەنجامی دەدات بۆ ساڵی 2019 دەركەوتووە، كە زانكۆ هارڤارد لەریزبەندی یەكەمی جیهان هاتووە، هاوكات زانكۆی شاعەبدولعەزیز وەك زانكۆی عەرەبی لە ریزی 101 كەمینی زانكۆكانی جیهان هاتووە، هاوكات خراپترین زانكۆ لەسەر ئاستی جیهان، چوار زانكۆی ئێران و سێ زانكۆی توركیا بوون. شایەنی باسە دامەزراوەی شانگەهای لە ساڵی 2003 ەوە بە رەزامەندی زانكۆكانی جیهان بەپێوەری زانستی ئەو ئەركەی لە ئەستۆ گرتووە و تێدا سەركەوتنی بەدەست هێناوە. جێگەی ئاماژە پێدانە زانكۆ لە هەموو كۆمەڵگەیەكدا رۆڵی سەرەكی و ستراتیجی دەبینێت لە هەر پرۆسەیەكی گەشەپێدان و گۆڕانی كۆمەڵایەتیدا، هیچ بەرەوپێش چوونێك لە بواری گەشەپێدانداروو نادات ئەگەر زانكۆ پێشكەوتوو نەبێت، تەنها لە رێگەی دەستەبەر كردنی سیستمێكی خوێندنی پێشكەوتوەوە ئەو ئاواتە دێتە دی، بەگشتی لە زانكۆكاندا دەبێت تاك بكرێتە سەرمایەی مرۆیی و كاری لەسەر بكرێت بۆ گەشەپێدان، هەركاتێكیش تاك گەشەی كرد ئەوە سەرەتای هەموو گۆڕانكاریەكە .

© 2017 Hawler