تشرینی یەکەم 21, 2019

رۆژنامەی جومهوریەت: دەنگەكانی ئاكپارتی لە باكوور بەرەو توانەوە دەچێت

ئەو دەنگدەرە كوردانەی پێشتر لە هەڵبژاردنەكانی توركیادا دەنگیان بە ئاكپارتی داوە، بۆ هەڵبژاردنی داهاتوو بە نیاز نین دەنگی پێ بدەنەوە، بۆیە دەنگدەری كوردی ئاكپارتی بەرەو توانەوە دەچێت.

رۆژنامەی (جومهوریەت)ـی توركی، لە راپۆرتێكدا ئاشكرای كردوە، هەدەپە لە هەڵبژاردنی داهاتوو دەتوانێت بەربەستی هەڵبژاردن بشكێنێت، هەروەها دوای ئۆپەراسیۆنی توركیا دژی عەفرین، دەنگەكانی هەدەپە لە باكوور لە هەڵكشاندایە.
بە گوێرەی زانیارییەكانی (جومهوریەت)، هەدەپە وەكو پارتێكی سیاسی بەهێز دەچێتە ناو هەڵبژاردنەوە، چونكە لە كۆنگرەدا توانی بەسەر زۆرێك لە كێشەكانی هەدەپەدا زاڵ بێت، هەروەها ئۆپەراسیۆنی عەفرینیش كاریگەری لەسەر دەنگەكانی هەدەپە دەبێت، بە تایبەت كاتێك هەدەپە بە توندی دژی ئەو ئۆپەراسیۆنە وەستایەوە.
هەر لە درێژەی راپۆرتەكدا هاتوە، بە هۆی ئەوەی حكوومەتی ئاكپارتی ئۆپەراسیۆنی دژی كوردان لە عەفرین ئەنجامداوە، بۆیە دەنگەكانی ئاكپارتی لە باكوور بەرەو توانەوە دەچێت.

 

كارزان گلی ـ هه‌ولێر
 

© 2017 Hawler