شوبات 19, 2018

دەزگایەكی راپرسی توركیا: دەنگەكانی ئاكپارتی بۆ خوار 40% كەم دەبێتەوە

بەڕێوەبەری كۆمپانیای (كۆنسێنیوس)ـی توركی بۆ راپرسی، ئاشكرای دەكات ئەگەر ئابووری توركیا بەم حاڵەی ئێستای بمێنێتەوە، لە هەڵبژاردنی 2019 دەنگەكانی ئاكپارتی دەچێتە 40%.

موراد ساری بەڕێوەبەری كۆمپانیای (كۆنسێنسوس) بۆ راپرسی، لە دیمانەیەكیدا بۆ تەلەڤزیۆنی (دیكان)، پێیوایە ئەگەر بێت و ئاكپارتی بارودۆخی ئابووری باش نەكات و بەم حاڵەی ئێستای بمێنێتەوە، لە هەڵبژاردنی 2019 خوار 40%ی دەنگەكانی دەهینێت.
كۆمپانیای (كۆنسێنیوس)، هەرجارێك راپرسی لەسەر ئەنجامی هەڵبژاردن لە توركیا كردبێت، پێشبینییەكانی راست دەرچوون، بۆیە بە گوێرەی ئەو راپرسییەی دوای ئەنجامدانی ئۆپەراسیۆنی (چڵە زەیتوون) كە سوپای توركیا بۆ عەفرین دەستی پێكردوە، دەنگەكانی رەجەب تەییب ئەردۆغان تەنیا 0.6 زیادی كردوە، بەڵام دەنگەكانی مەهەپە لە 8%ەوە بۆ 11% بەرز بوەتەوە.
هەر بە گوێرەی گوتەی موراد و ئەو راپرسییەی ئەنجامی داوە، هەدەپە بە هیچ شێوەیەك كێشەی بەربەستی هەڵبژاردنی نییە و، هەركاتێك هەڵبژاردن بكرێت دەتوانێت 10%ی دەنگان بهێنێت.
موراد پێیوایە، زۆربەی دەنگدەرەكانی هەدەپە گەیشتوونەتە ئەو بڕوایەی هەدەپە غەدری لێكراوە، بە تایبەت دەستگیركردنی سەلاحەدین دەمیرتاش هاوسەرۆكی پێشووی هەدەپە، كاریگەری زۆری دەبێت بەوەی دەنگدەری هەدەپە لە هەدەپە زیاتر دەنگ بە هیچ پارتێكی تر نەدات

 

كارزان گلی ـ هه‌ولێر
.

© 2017 Hawler

Please publish modules in offcanvas position.